«О святем Иоанне Пророце, Предтечи и Крестители, о святых и всехвальных апостолех, о святем (дне), егоже и память совершаем, и о всех святых Твоих, ихже молитвами посети нас, Боже.

И помяни всех прежде усопших о надежди воскресения жизни вечныя.

(О живых он говорит;)

О спасении, посещении, оставлении грехов рабов Божиих (имярек).

(Об умерших же:)

О покои и оставлении грехов душ раб Твоих (имярек), на месте светле, отонудуже отбеже печаль и воздыхание, упокой, Боже наш.

И покой их, идеже присещает свет Лица Твоего (Пс. 4:7 [613]).

Еще молим Ти ся, помяни, Господи, Святую Твою Соборную и Апостольскую Церковь, юже от конец даже до конец вселенныя (Пс. 71), и умири ю, юже наздал еси честною Кровию (Деян. 20:28; [614] 1 Пет. 1:19 [615]) Христа Твоего, и святый храм сей утверди даже до скончания века (Мф. 28:20 [616]).

Помяни, Господи, иже Дары сия Тебе принесших, и о нихже, и имиже, и за нихже сия принесоша.

Помяни, Господи, плодоносящих и добротворящих во святых Твоих церквах, и поминающих убогия: воздаждь им богатыми Твоими и небесными даровании: даруй им вместо земных небесная (Ин. 3:12 [617]), вместо временных вечная, вместо тленных нетленная (1 Кор. 9:25 [618]).

Помяни, Господи, иже в пустынях и горах, и вертепех, и пропастех земных (Евр. 11:38 [619]).

Помяни, Господи, иже в девстве, и благоговении, и постничестве, и в чистем жительстве пребывающих».

«О благоверном… и о всей палате и воинстве их. Даждь им, Господи, мирное царство, да и мы в тишине их тихое и безмолвное житие поживем, во всяком благочестии и чистоте» (1 Тим. 2:2 [621]).

«Помяни, Господи, благовернаго… егоже оправдал еси царствовании на земли, оружием истины, оружием благоволения венчай (Пс. 5:13 [622]) его, осени над главою его в день брани (Пс. 139:8 [623]), укрепи его мышцу (Иезек. 30:25 [624]), возвыси его десницу (Пс. 88:14 [625]), удержави его царство, покори (Пс. 46:4 [626]) ему вся варварския языки брани хотящыя (Пс. 67:31 [627]): даруй ему глубокий и неотъемлемый мир: (Ис. 32:17 [628]) возглаголи в сердце его благая о Церкви Твоей и всех людех Твоих, да в тишине его тихое и безмолвное житие поживем во всяком благочестии и чистоте (1 Тим. 2:2 [629]).

Помяни, Господи, всякое начало и власть (Тит. 3:1 [630]) и иже в палате братию нашу, и все воинство. Благия во благости соблюди, лукавыя благи сотвори благостию Твоею (Пс. 118:68 [631]).

Помяни, Господи, предстоящыя люди, и ради благословных вин оставльшихся, и помилуй их и нас по множеству милости Твоея (Неем. 13:22 [632]): сокровища их (Пс. 143:13; [633] Иез. 27:16 [634]) исполни всякаго блага (Втор. 6:11; [635] Притч. 8:21 [636]): супружества их в мире и единомыслии соблюди: младенцы воспитай, юность настави, старость поддержи, малодушныя утеши (1 Фесс. 5:14 [637]), расточенныя собери (Пс. 105:47 [638]), прельщенныя обрати и совокупи Святей Твоей Соборней и Апостольстей Церкви: стужаемыя от духов нечистых (Лк. 6:18 [639]) свободи, плавающым сплавай, путеше-ствующым сшествуй, вдовицам предстани, сирых защити, плененыя избави, недугующыя исцели. На судищи, и в рудах, и в заточениях, и в горьких работах, и всякой скорби, и нужде, и обстоянии сущих помяни, Боже.

И всех требующих великаго Твоего благоутробия, и любящих нас, и ненавидящих, и заповедавших нам недостойным молитися о них, и вся люди Твоя помяни, Господи Боже наш, и на вся излий богатую Твою милость, всем подай, яже ко спасению прошения.

И ихже мы не помянухом неведением, или забвением, или множеством имен, Сам помяни. Боже, ведый коегождо возраст и именование, ведый коегождо от утробы матере его: Ты бо еси, Господи, помощь безпомощным, надежда безнадежным (Иудифь 9:11 [640]), обуреваемым Спаситель, плавающим пристанище, недугующим Врач. Сам всем вся буди, ведый коегождо, и прошение его, дом, и потребу его.

Избави, Господи, град сей, и всякий град и страну от глада, губительства, труса, потопа, огня, меча, нашествия иноплеменных и междоусобныя брани».

«В первых помяни, Господи, Патриарха (и/или Архиепископа, и/или Епископа), ихже (или егоже) даруй Святей Твоей Церкви, в мире, целых, честных, здравых, долгоденствующих, право правящих слово Твоея истины» (2 Тим. 2:15 [641]). (Или в единственном числе «цела, честна, здрава…».)

«Помяни, Господи, град сей, в немже живем, и всякий град и страну, и верою живущих в них.

Помяни, Господи, плавающих, путешествующих, недугующих, страждущих, плененных, и спасение их.

Помяни, Господи, плодоносящих и добротворящих во святых Твоих церквах, и поминающих убогия, и на вся ны милости Твоя низпосли».

«Помяни, Господи, всякое епископство православных, право правящих слово Твоея истины (2 Тим. 2:15 [642]).

Помяни, Господи, по множеству щедрот Твоих (Пс. 50:3 [643]), и мое недостоинство, прости ми всякое согрешение, вольное же и невольное: и да не моих ради грехов возбраниши благодати Святаго Твоего Духа от предлежащих Даров.

Помяни, Господи, пресвитерство, еже во Христе диаконство, и весь священнический чин, и ни единаго же нас посрамиши, окрест стоящих Святаго Твоего Жертвенника (Пс. 25:6 [644]).

Посети нас благостию Твоею (Пс. 105:4-5 [645]), Господи, явися нам богатыми Твоими щедротами: благорастворены и полезны воздухи нам даруй, дожди мирны земли ко плодоносию даруй: благослови венец лета благости Твоея (Пс. 64:12 [646]): утоли раздоры Церквей, угаси шатания языческая (Пс. 2:1 [647]), еретическая востания скоро разори силою Святаго Твоего Духа (Рим. 15:13 [648]): всех нас приими в Царство Твое, сыны света и сыны дне (1 Фесс. 5:5 [649]) показавый: Твой мир и Твою любовь даруй нам, Господи Боже наш, вся бо воздал еси нам» (Ис. 26:12 [650]).