Да за ним благой ¹⁶⁴слонъ идеть, а весь в каіімкѣ наряжанъ, да обиваеть л, 385 об, люди, да чепь у него велика желѣзна во ртѣ, да обиваеть копи и люди, чтобы кто на султана не наступилъ блиско.

А братъ султановъ ¹⁶⁶, тот сидит на кровати на золотой, да над нимъ теремъ оксамитенъ, да маковица золота со яхонты, да несуть его 20 человѣкъ.

А махтумъ ¹⁶⁶сидит на кровати на золотой, да над ним теремъ шидянъ с маковицею золотою, да везутъ его на 4-хъ конехъ въ снастехъ золотыхъ.

Да около людей его много множество, да перед нимъ пѣвци, да плясцевъ много, да всѣ с голыми мечи, да с саблями, да с щиты, да сулицами, да с копии, да с лукы с прямыми с великими. Да кони всѣ в доспѣсехъ, да сагадакы на них. Да иныа нагы всѣ ^а, одно платище на гузнѣ, зоромъ завѣшенъ.

В Бедери же мѣсяць стоить 3 дни полон. В Бедери же сладкаго овощу нѣтъ. В ГуІІндустанѣ же силнаго вара нѣтъ. Силно варъ в Гурмызѣ, да ^л- в Катобагряимъ ¹⁶⁷, гдѣ ся жемчюгъ родить, да в Жидѣ ¹⁶⁸, да в Бакѣ, да в Мисюрѣ, да въ Остани, да в Ларѣ. А в Хоросаньской земли варно, да не таково. А в Чеготани велми варно. А в Ширязѣ ¹⁶⁹, да въ Езди, в Кашини варно да вѣтръ бывает. А в Гиляни ¹⁷⁰душьно велми да парищо лихо, да в Шамахѣи паръ лихъ. Да в Вавилони ¹⁷¹варно, да Хумитѣ, да в Шамѣ варно, а в Ляпѣ ¹⁷²не такъ варно.

А в Севастѣй губѣ ¹⁷³да в Гурзыньской земли ¹⁷⁴добро обидно всѣм; да Торьскаа земля ¹⁷⁶обидна вельми; да в Волоской земли ¹⁷⁶обидно и дешево все съѣстное; да Подольскаа земля ¹⁷⁷обидна всѣм. А Урусь ерь таньгры сакласынъ; олло сакла, худо сакла! Бу доньяда муну кыбить ерь ектуръ; нечикъ Урсу ери бегъляри акай тусил; Урусь ерь абадан больсынъ; II расте кам даретъ. Олло, худо, богъ, богъ, данъгры ¹⁷⁸. л, 386 об.

Господи боже мой! На тя уповахъ, спаси мя, господи! Пути не ^азнаю, иже камо пойду ¹⁷⁹изъ Гундустана; на Гурмызъ поити, а от Гурмыза на Хоросанъ пути нѣтъ, ни на Чеготай пути нѣтъ, ни на Катобагряим пути нѣту, ни на Ездъ пути нѣту ¹⁸⁰. То вездѣ булгакъ сталъ, князей вездѣ выбыли, Яишу мурзу ¹⁸¹убилъ Узуосанъбекъ ¹⁸², а Солтамусаитя окор-

мили ¹⁸³, а Узуасанъбекъ на Ширязи сѣлъ, и земля ся не обрѣнила, а Еди- герь Махмет, а тъ к нему не ѣдѣтъ, блюдется ¹⁸⁴. Иного пути нѣтъ никуды. А на Мякъку поити, ино стати в вѣру бесерменьскую, заньже христиане не ходят на Мякъку вѣры дѣля, что ставятъ в вѣру. А жити в Гундустанѣ, л. 387 ино вся собина исхарчити, заньже у них все дорого: одинъ есми II человѣкъ, и яз по полутретия алтына на день харчю идетъ, а вина есми не пивалъ, ни сынды ^а.

Меликтучаръ два города взял индѣйскыя, что розбивали по морю Индѣйскому ¹⁸⁶. А князей поймал 7 да казну их взял, юкъ яхонтовъ, да юкъ олмаву, да кирпуковъ, да 100 юков товару дорогово, а иного товару бесчислено рать взала. А стоалъ подъ городомъ два году ¹⁸⁶, а рати с нимъ два ста тысяч да слонов 100, да 300 верьблюдов.

Меликтучаръ пришелъ съ ратию своею к Бедерю на курбантъ багрям, а по-русьскому на Петровъ день ¹⁸⁷. И султанъ послалъ 10 възыревъ стрѣти его за десять кововъ, а в ковѣ по 10 верстъ. А со всякым возырем по 10 тысяч рати своей, да по 10 слоновъ в доспѣсехъ. А у миктучара на всякъ день садится за суфрею по 5 сотъ человѣкъ, а с нимъ садится 3 възыри іи з87 об.за его скатерьтью, а с возыремъ II по пятидесят человѣкъ, а его 100 человѣкъ бояриновъ вшеретных. У меликтучара на конюшне коней 2 ты- сящи да тысяча осѣдланых, и день и ночь стоятъ готовых, да 100 слоновъ, на конюшне. Да на всякую ночь дворъ его стерегутъ 100 человѣкъ в до- спѣсех, да 20 трубниковъ, да 10 нагаръ, да по 10 бубновъ великых по два человѣка биють.

Мызамлылкъ, да Мекханъ, да Фаратханъ ¹⁸⁸, а тѣ взяли 3 городы ве- ликыи ¹⁸⁹, а с ними рати своей 100 тысяч, да 50 слоновъ. Да камени всякого дорогого много множьство, а все то камение да яхонты, да олъмазъ покупили на меликтучара ³, заповѣдал дѣляремъ ⁶, что гостемъ не про дати, а тѣ пришли от Оспожина дни ¹⁹⁰к Бедерю граду.

Султанъ выежжаеть на потѣху в четвергъ да во вторник, да три с ним л. 388 возыры выещають; а брат выежжаѳт султанов II в понедѣльникъ с матерью да с сестрою; а жонъкъ 2 тысячи выежжаеть на конех да кроватех на золотыхъ; да коней пред нею простых сто въ снастех золотых; да пѣ- ших с нею много вел ми, да два возыря, да 10 възыреней ^а, да 50 слоновъ в попонах сукняных, да по 4 человѣкы на слонѣ сѣдять нагых, одно пла- тище на гузне; да жонкы пѣшие нагы, а тѣ воду за ними носять пити да подмыватися, а одинъ у одного воды не пиет.

Меликтучаръ выехал воевати индѣянъ с ратию своею изъ града Бе- деря на память шиха Иладина, а по-русьскому на Покровъ святыя Богородица, а рати с нимъ вышло 50 тысяч; а султан послал рати своей 50 тысяч, да 3 с ним возыри пошли, а с ними 30 тысяч, да 100 слоновъ с ними пошло з городкы да в доспѣсехъ, а на всякомъ слонѣ по 4 человѣкы с пи- л. 388 об. щалми. Меликтучаръ пошел II воевати Чюнедара ¹⁹¹, великое княжение индѣйское.

А у бинедарьскаго князя ¹⁹²300 слоновъ да сто тысяч рати своей, а коней 50 тысяч у него.

Султанъ выехал из города Бедеря въ 8-й мѣсяць по Белице дни ¹⁹³. Да с ним възыревъ выехало 20 да 6 възыревъ ³; 20 възыревъ бесермень-

скыхъ, а 6 възыревъ индѣйскых ¹⁹⁴. А с султаномъ двора его выехало 100 тысяч рати своей коных людей, а 200 тысяч пѣших, да 300 слоновъ с городкы да в доспѣсехъ, да 100 лютых звѣрей ¹⁹⁶о двою чепѣх. А с братом с султановым вышло двора его 100 ⁶тысяч конных, да 100 тысяч пѣших людей, да 100 слоновъ наряжаных в доспѣсехъ. А за Малханом вышло двора его 20 тысяч коных людей, а пѣших шедесять тысяч, да 20 слоновъ наряжаных. А зъ Бедерьханомъ вышло 30 тысячъ конныхъ людей да з братом, да пѣших 100 тысяч, да слоновъ 25 наряжаііных с гороткы. А с султаном л. звэ вышло двора его 10 тысяч конных ^а, а пѣших дватцать тысящ, да слоновъ 10 с городкы. А з Возырханомъ вышло 15 тысяч конных ⁶людей, да пѣших 30 тысяч, да слоновъ 15 наряженых. А с Кутарханом вышло двора его 15 тысяч конных ⁸людей, да пѣших 40 тысяч, да 10 слоновъ. А со всякым възыремъ по 10 тысяч, а с ыным по 15 тысяч коных, а пѣших 20 тысяч.

А с ыиндѣйскыма вдономомъ ¹⁹⁶вышло рати своей 40 тысяч конных ^глюдей, а пѣших людей 100 тысяч, да 40 слоновъ наряжаных в доспѣсех, да но 4 человѣкы на слонѣ с пищальми.

А с сулътаномъ вышло возыревъ 26, а со всякым возырем по 10 ты- сячьД, а с ынымъ възырем 15 тысяч конных людей, а пѣших 30 тысяч.

А индѣйскыя 4 возыри великых, а с ними рати своей по 40 тысяч конных людей, а пѣших 100 тысяч. II И султанъ ополѣлся на индѣянъ, што мало ^л- ³⁸⁹об* вышло с ним, и онъ еще прибавилъ ⁸20 тысяч пѣших людей, двѣ ⁶тысячи конных людей, ¹⁹⁷да 20 слоновъ. Такова сила султана индѣйскаго бесер- меньскаго. Маметъ дени иариа. А растъ дени худо доносит — а правую вѣру богъ вѣдаетъ. А праваа вѣра бога единаго знати, имя его призывати на всякомъ мѣстѣ чистѣ чисту ¹⁹⁸.

Въ пятый же Великый день възмыслилъ ся на Русь. Изыдохъ же из Бедеря града за мѣсяцъ до улу баграма бесерменьского ¹⁹⁹Маметь дени росолял. А Велика дни христьаньскаго не вѣдаю, Христова въскресения, а говѣйно же ихъ говѣхъ с бесермены и розговѣвся с ними, Великый день взях в Келберху ²⁰⁰от Бедеря 20 коповъ.

Султанъ же пришелъ до меликътучара с ратию своею 15 день по улу багрямѣ, а все Кельбергу, и война ся имъ не удала, II одинъ городъ взяли л. зэо индѣйской ²⁰¹, а людей много изгыбло и казны много истеряли.

А индѣйской же султан кадамъ ²⁰²велми силенъ и рати у него много.